Медводз вэскресенье июль месечас пасйеныс речникъяслысь гажлунныссэ, коді лыддьысьö официальнöя 1980 восянь
Уна во сайын Об кузя лун и вой ветлалісныс быдчема пöлэс катеръяс. Сы пöрасьыс уна ва нин визытіс, кор самоходкаяс ноолісныс грузсэ вöлэсьясас, а трамвайчикен ветлісныс йöзыс округ шöрас. Сэк из пооныс, мый кутшэмке суднэ йэрмас ляпкыд местö, кудз тэдісныс, мый ва туйыс пасйöма бакенъясэн.
Вына кучис кыпедчыны судоходствоыс Ямалын ХХ нем пуксигэн. Гражданскöй тыш эштöм бöрын вына кыпедісныс сёрни флот кыпедöм помла. Сы воясас ва вылын рöбитысьяс карисныс ответственнöй странаса могъяс. Экспедицияяс ноолісныс Сибирьысь европейскэй Россияса юкенас нянь да кыемаса куяс. Сьöкыдторъяссö юяс кузяыс ноолісныс Обскöй губаö, кэн сöтісныс саридз судноэ.
Лорвож районын Ыджыд тыш бöрын Кушеватын кучисныс карны пуу плашкоутъяс, а пуу ларевейяссö Салехардын. Ныа вöліныс уна пэ ыджыдджыкесь, тонъяысь. Рöбитісныс сэтшöм плашкотъясыс 20 воясöн. Кыскалісныс ныэ катеряс сэтшöм кудь «Дунай», МРБ-313, «Казым» и с.в.
Ми районанум унджык мужик рöдыс рöбитісныс флот вылын. «Дунаяс» капитанэн вэліныс: Хозяинов Анатолий Леонтьевич, Конев Григорий Андреевич, Конев Пантелей Иосифович. МРБ-313 капитанöн вэлі Клепиков Иван Матвеевич. «Дунай» из кучы ветлооны 1962 во вылын, МРБ 1960-ын воясас, кор колхозъясыс совхозъясэ пöріныс.
1970 воясын Об кузя кучисныс ветлооны куим ледокол: «Капитан Зарубин», «Капитан Сечкин» и «Капитан Евдокимов». Сэк же воисныс теплоходъяс «Метеор», код эніöдь на ноолэдлö йöзсэ Салехардсянь Берёзовоэдз.
Пассажирскöй флот нолэдліс олысьяссэ ю бöкса каръясысь да вöлэсьтъясысь Омскейсянь Салехардэдь. Водзджык сыа вöлі колеса пароходъяс «Жан Жорес», «Усиевич», «Ваули Пиеттомин». А 1950- мын воясас ныэ вежисныс ыджыджык пассажирскöй суднэяс вылэ Германияысь, öтік ны костысь «Механик Калашников», код став ассьыс 67-арэса олöмсэ рэбитіс Войвылын. Об ю кузя сідь жэ ветлісныс теплоходъяс «Ленинский комсомолец», «Генерал Карбышев», «Гагарин», «Чернышевский», «Родина».
Теплоходас «Генерал Карбышевас» уна во капитанöн вöлі Азов вöлэсьтын чужысь Владимир Петрович Белоглазов.
Владимир Петрович Белоглазов вöлі водник династияысь. Сылэн айыс Петр Константинович и дедыс Константин Васильевич нуисныс вахта Иртыш да Об ю вылын. Дёлясянь Володя аддзис ассьыс олэмсэ юкэд. Челядьдыръя олöмыс коли Лорвож район Азов Вöлэсьтын, код сулалэ Об ю дорын. Айыс да дедыс рöбитісныс бакенщикясöн, ва туй мастерясöн, воджык ныйэ шуисныс обстановочнэй старшинаясэн. Ныа сетісныс ва транспортлы уна вояс и, тэднин, велöдісныс ассьыныс рöд кутысьясэ радейтны юсэ, флотсэ. Володя вермис уна часöн пуконы Об берег дорас, любучыны бöкті мунысь пароходясöн да теплоходясöн. Гожöмнас, кор сылэн ёртъясыс муналісныс пионерскöй лагере, походъясэ, сыа всякеногни, но кольчыліс керкаын да ортсасис айыслы могмедны путейскэй юкöн сё километра кузя. Векджык ныа мунліныс керкаысь кымынке лун кежэ, тэчисныс юкöнас плавайтан да берегса обстановка. Владимир краситіс бакеняс, лöсьöдіс плавайтана пасъяс, карис мукед рэбета. А кор лои ыджыджык, сылы сетісныс аслыс ветлыны перекатъяс вылэ, мед эстыны бакенъяс. Карис детинаыс сыэ став сьöлэмсьыс и кыпедчис сыйэн, мый сылы, дёля зонлы, сетісныс сэтшöм сьöкыд рэбета. Пыжас пукалыгöн, дыр любучис «ас» бияснас, кодъяс сетісныс «турунвиж улича» бöкті мунысь суднояслы. Сыа бурэн пыр видедіс капитанъяс вылэ, кодьяс веськедліс ыджыд пароходясэн. И, тэднин, кöсйис вööны капитанöн. Кор Володя эштöдіс 7 класс, 14 арэса детина бура тöдіс кодэн лоны. Только речникöн! Айыс кутыштіс писэ: «Мун, пиэ, ми туйкузянум. Аддя, сыа тэныд абу бöкевей…» 1953 воын Владимир Белоглазовес вöліныс босьтэмась курсантэн Омскэй юса училищеö, кэн сылэн вöлі бур профессиональнöй и олэмса велöдчанин. Бур велöдысьяс, топыд флотскöй дисциплина – сыа ставыс орсаліс вошйысь речниклы бöрйыны веськыд курс дыръя флотскöй олöм. Быд курс бöрын выль тöдмалöн топедіс плавательнöй практика вылын. И эстöн курсантлы Белоглазовлы везитіс. Практикасö колис пароход «Фильченко» вылын, капитан В.Я. Корсаков дорын, теплоходын «Анастас Микоян» капитан В.И. Евдокимов, пароход вылын «Жан Жорес» капитан А.М. Копылов дорын. Ныа вэліныс водза капитанъяс, профессионалъяс, бур тöдысьяс. Эддьö колиныс велöдчан воясыс велöдчанинас. Эштöдöм бöрас Владимир Белоглазов зэй мöдіс рöбитны пассажирскэй флот вылын и сюри пассажирскэй пароход «Жан Жорес» капитан А.М. Копылов дорö. Анатолий Михайлович вöлі тэдысь судоводителен, бур мортöн. Сыа уна сетіс том капитанлы кудь профессиональнö быдманас, сідь и олэм туйяс. Куим во мысьті, тулыснас 1961 воын Владимир Петровичес пуктісныс I штурманöн вöльысь карэма Тюменьын выль пассажирскöй теплоходö «Генерал Карбышев» тэдса иртышскэй капитан Александр Степанович Куликов дорö. Сыа вöлі выыті дисциплинированнöй, топыд и сы пöраас жэ бур мортöн. Сыа вэлі пыр примерöн уна капитанлы флотас. Капитан А.С. Куликов бура ас улас кутіс воспитание наукасэ, пыр аддзис ас подчиненнöясас веськыд ёртъясöс, этлаын ставыскед юкис шог и радлун. Велöдэмыс ыджыджык капитанлэн, код дорын сыа вэлі вит во медводь штурманöн, оз вунöдчы став олöм чэж. Дас воысь унджык Владимир Петрович Белоглазов вöлі капитанöн пассажирскэй теплоходас «Генерал Карбышев», код лои сылы мöд керкаöн. Теплоходса «Генерал Карбышев» экипажыс вöліныс водзе петысьясöн уна бур карэм вылö Иртышскэй бассейнас, пыр петіныс воде став дорйысемас. Экипажыс ас кинаныс лэседісныс теплоходас зэй бур музей Герой Советскэй Союзысь Д.М. Карбышев помла, код лои командаыслы воспитание вылэ. В.П. Белоглазов, кор вэлі капитанöн «Генерал Карбышев» теплоходас, ветліс Москваö, теплоходас тэдмасис Дмитрий Михайлович Карбышев бабакед, нылыскед да пиыскед. Аддзысемыс генералса семьяыскед коли капитаныслы сьöлэмас. Пассажирскэй туяс Омсксянь – Салехардэдз йöзсэ ноолэдлыгас, капитан В.П. Белоглазов из пэмнит, мед сылöн экипажыс из кар пуктэм могъяссö. Уна вояс сыа чукарыс вэлі маякэн мэд судовэй экипажъяслы. «Карбышевсаяс» достойнэя нуисныс мачта вылас вымпелсэ Иртышскэй пароходстволысь. Ужд кузя и чесьт. Белоглазовлы кыкысь сетлісныс ним «Бурджык капитан МРФ». Бурджыкен шуисныс и мукед сыкед тшöтш рэбитысьяссö, но медум кыкысь сетлісныс ыджыд капитан ним, сэтшöм из вööлы. Владимир Петрович пасйöма кык орденöн СССР – Октябрьскэй Революция да «Знак Почета». Сы сьöрті на, уна бура рöбитэм вылö сыйэ пасйисныс нэшта медальясэн – «Вöдитэм му пытшкöс да кыпедöм мусир да биару комплекс Западнöй Сибиряс», «Бур удж вылэ. 100-воса В.И. Ленин нимлун кежэ», «Российскöй флотлы 300 ар», «Уджвыыса ветеран». Заслуга сьöрті пароходство водзнырын пасйöма знакъясöн «Почетнöй рэбетник Россияса транспортын», «Почетнöй рэбетник юса флотас», «Зэй бура рэбитысь юса флотын». Шотччыны Владимир Петрович муні февраль месече 2006 воын веськедлысьöн служба лёк суэмысь видэм чинын да судовождение Обь-Иртышскöй пароходствоэн. Сетіс флотыслы 50 ар ас олöмсьыс. Кодке веськöдлысь Иртышскэй пароходствоысь сералыгмоз шуэма, мый капитан Белоглазов национальнöй герой Тюменса Войвылас. Сыа ыджыд пай пуктіс Ямало-Ненецкэй округас теплоход «Генерал Карбышевнас» йöзсэ ноолэдлыген.
Пассажирскэй судноясыс, кор локтісныс Омскейсянь Салехардэдь пыр сутлісныс вöлэсьтъясас, кэн вöліныс пристаньяс, мукедысь теплоходыс воліс Мыжиэ войнас. Пристанс сы пöраас рöбитісныс куим морт: капитан – Иван Иванович Пичугин, код сетіс флотлы 40 во, мысьласьысь – Конева Александра Владимировна, а посмыськысен вэлі баба Салехард карысь. Водевы мунысьяс вермисныс пристаняс сутны да узьны. Сэн пыр вэлі сэстöм да бур.
Олэмыс вежщис, йöзыс, код рöбитісныс сы пöраас унджыкыс нин быриныс, да и теплоходъяс нин из кучыныс ветлыны, утюжитны ота, паськыд Об юсэ.