Хантэт кутан щимащ ун учёныйт воӆӆы шимаӆ. Софья Владимировна Онина (Талигина) докторский диссертация ханшмаӆ па ӆэщатмаӆ
Там сус щохар тыӆащ хут-мет хатаӆн Москва вошн Россия хон мувев Академия наук хот хоща Софья Владимировна Онина (Талигина) «Способы выражения побуждения в хантыйском языке» нэмпи докторский диссертация кимет учёныйт пеӆа альмаӆ па потармаӆ.
Ӆув ар таӆ щи вер еӆпина рупатас па научный пэпекат ханшас. Ӆув пиӆэӆан ванан уӆмеӆ па ӆувеӆ еша нётап вермеӆ кимет учёныйт, щит Андрей Данилович Каксин, Евгений Александрович Цыпанов па Валентина Николаевна Соловар. Щи тумпина диссертация хуӆантам порайн хоӆна ветьяң-кем учёныйт щита уӆмеӆ. Ӆув ищи ар-сыр верат эӆты иньщассат.
– Щи ун научный нэпекем ма камтса таӆ ханшсэм, мет воӆаң – щит муй хоят ястаӆ хоя нётап мосаӆ моӆты верты ураңан, щаӆта кимет вер – щит ханты мир хоща вун хоят па хоят эӆты туп моӆты вер верты вохты рахаӆ. Мояң хоят пеӆа туңныя ястаты ант веритӆа моӆты вер эӆты, ешая пуңаӆта потарӆа. Щимащ ханты мир, – ястаӆ Софья Владимировна.
Софья Онина Ӆорвош район Тыӆтам курт эӆты уӆ. Ӆув уӆтаӆ хуват ханты рут ясңаӆ пиӆан рупитаӆ. Ханты ясаң еӆӆы туӆ, ханты уӆапса эӆты нэпекат ханшаӆ. Ӆув шеек ун па мосты вер вераӆ, щитан лувеӆ ун пумащипа ястаӆув! Ат еӆӆы рут ясңев ӆэрамптаӆы, умащ верат па нумсаң нэпекат ханшаӆ!
