Урасьoм тэлысе 10-11 лунэ Салехардын ОЦНК-ö чукартчисныс коми йӧзлы нуӧдэма лунъяс вылэ. Лорвож районысь ветліс сэтчэ окмыс делегат. Горкаысь –Созонова Т.И.школаса велэдысь, Овгортысь – Попова Н.А.челядь садэн веськедлысь, Восяховысь – Чупрова В.И. вэлэсьса культура керканас юралысь, Мыжыса олысьяс – Ануфриева Т.В., Худалей А.А., Рочева Н.Д. коми кыы велэдысь да Заваруева О.Е. «Мыжысаяс» изьватас чукарнас веськедлысь, кык волонтёр – Батманова Настя да Соломатова Алёна. Мыжыса изьватас музей керканас веськедлысь Филиппова Л.А. округ шӧрса чукарчемась петкедліс уна пӧлэс важья баба юр кокошникъяс.
Сідз жэ гажэдісныс йӧзсэ ас сьылэмнаныс Восяховса «Шондібан» сьылысьяс. Доза нин, уна вояс, из чукарчылныс этла сымыда тӧдса изьватас йoз. Зэй вӧлім радэсь аддзысьны дона ёртъяснумкед, тӧдсасьны выль йӧзкед. Уна сёрнитім изьватас кылoн, казьтылім важъясэ. Мед ыджыд могыс чукарчемас вӧлі бӧрйыны выль весь кедлысь общественнэй движение «Изьватасас» да выль правление.
Кызім Шахова В.И., код уна во вӧлі председателен. Сыа висьтооліс кутшэм рэбета вӧлі нуэдэма общественнэй Советыслэн. Йӧзыс рӧбетасэ воддя председательлысь лыддиснысс бурэн. Воде вылэ Советас бӧрйисныс том йoзсэ. Веськедлысен лойи уна профиля коледжын велэдысь Ирина Гавриловна Терентьева. Мыйен ми сыйэ и чолэмалам.
Сідз жэ сы лунъясас вэлі нёль кейс группа кӧн позис гижны, сёрнитны, кудь позе рэбитны изьватас челядъяскед.
Сэн ме тӧдмаси Катравожса бабаяскед. Казялі, мый ныа зэй сямаэсь быдчемаыс вылэ, важъя фотографияяс кузя велалэмась вурны ныыюръяс. Сідз жэ сир да налим куысь карэныс сувениръяс, мыйэн менэ зэй дивитісныс. Пӧраыс эдде коли и воис аддзысьлэмыслэн пом. Зэй бы мӧдім мед сэтшэм чукарчемыс и вӧлі воде.
Ольга Заваруева.
