Кöрвидзысь олöм чöж туйын. Сылы пыр колö мунны кöр бöрын. Кöрыс лоö и часöн, и лунпасöн. Тайö абу рэбита, а мортлöн оланног. Кöр сетö мортлы ставсö – сыа нуöдö, пасьтöдö и вердö
Кöрдорса олöм зэй аслыспöлöс: сьöкыд, но мича да дельнöй.
Чом олöмын быдлаын колö порадок. Стадъяс ветлалöныс быдöн ас вöрга кузя, мед абу дзугсьыны мöд стадъяскöд. Быд морт карö ассьыс рэбита. Бабаяс чöм пытшкын, а мужикъяс кöр бöрын. Челядьяс ортсасьöныс ай-мамныслы. Тундраын неуна прöст кад.
Ми ветлiм Салехардса кöрвидзысьяс дорö гожсянинö – 7 бригадаö. Туйыс чомйöдз кузь. Лабытнангисянь пуксян поездö да мунан 110 километраöдз (воддя Полярнöй сиктö). Кöрвидзысьяс Полярнöйö локтöныс квадроциклъясöн, мед мунны карö либö кодöскö встретитны. Со и миянла воисныс квадрациклнас, шонда пасьтасим да мунiм изъяс костi 50 дорö километра чомйöдз. Туйын коомис вуджны хребет, тöднин – подöн. Техникаöн хребет кузяыс зэй опаснöй ветлооны. Воим чомйöдз сёр рытнас нин. Бригадаын сулалö куим чом.
Сизимöд бригадасö видзöныс нёль вок: Василий, Михаил, Дмитрий да Фёдор Витязевъяс. Неважен содтысьöма мöд бригадаысь – Александр Терентьев семъяыскöд. Колöкö, 7 бригадаыс колис öтнас Ямалын, кытöн рэбитöныс куш изьватас йöз.
Чомйын медводзын палялö мам. Колö ломтыны пач, мед, кор палялicныс мужикъяс да челядьяс, чомйын вöлi шоныд.
Кор пачис ломтöма, колö пуны чöскыд сёян асыы кежö. Чомйын куш рокöн он пöт, öд мужикъяс асыы водз мунöныс кöрö и локтöныс рытнас. Сiйöн асъя сёян татшöм: жарко, рок яйöн, нянь, шаньга да посни сёян.
Чом видзысьяс костын тшöтш выйимöсь нималана йöз. Марина Витязева – Ямалын заслуженнöй видзму öвмöcын уджалысь.
Марина Кирилловна ачис Белоярск сиктысь, а верессайö петöма Салехардса кöрвидзысь сайö. Дас окмыс арсянь сыа рэбитö чом видзысьöн. Марина Кирилловна шуö, мый сыа шуда морт и радейтö ассьыс уджсö. Быд лун сыа аслас котыркöд, а ыыла вылын мича вöр-ва.
Кор мужикъяс мунöныс кöрö, сэк чомса аньяс вурсьöныс либö карöныс кыс да воль. Гожöмнас колö карны сёысь выытi кыс и кызь дорö воль, а тööнас ставсис вурöныс гöна паськöм, вочöныс мальчаяс да тöбекъяс. Тайö зэй сьöкыд удж и сiйö колö кужны карны. Чомса ныыяссö мамъяс дзолясянь велалöдöныс вурсьыны да карны кысволь. А зонъяссö айясныс кутны кöр да карсьыны.
Кöрдоса олöмыс – сьöкыд олöм. Изьватас олiсныс и олöныс ыджыд котырöн. Кöрдорса бабаяс чомныссö видзöныс сöстöма. Зэй ноксьöныс юан ва гöгöр. Мукодыс чомйын янасöн видзöныс юан ва да мысьласян ва. Гожöмын юан васö медча катлöныс изъя шорысь. Ûлын изъясын йи сылö да ваыс сöдз. Мукод дырйи босьтöныс му ууся петöм васö. Пыр видзöдöныс мед вöлi визыытан ва. Тöлын медчасö юöныс лым ва. Чомйö пыртöныс сöстöм лым. Сыыдöныс да сыыдöм васö юöныс. Сыа лоя ва. Сетö мортлы ыджыд вын да петкöдö лексö. Зэй тöждысьöныс медум дзоляяс из висьныс, вöлiныс дзоньвидзаöсь. Кöрдорса челядь вöльнöя быдмöныс: ворсöныс, пес карöныс, кутасьны ортсасьöныс, авко быдтöныс, турун-нитшла ветлöныс, мамъяслы ортсасьöныс кыс-воль карны да ва катлöныс. Дзолясянь нин топтаа висьтолöныс челядьлы, кутшöм ва оз позь юны, вомö босьтны: кок туй, садуку, юнко, тыкöлка, сулалан гагъя ва.
Ваö оз позь сьöласьны, ва сетö олöм. Сöстöм ва сетö мортлы уна вын, дзоньвидзалун, сöдз ва юöгöн, морт вынсялö.
Гожсянинын сулалöныс июльсянь сентяб помöдз. Августын мужикъяс мунöныс дзоля чомйöн, а аньяс кольöныс ыджыд чомъяс. Кöрдорсаяс ыджыд чомъяс волöныс жэ, но гежда. Волэныс, мед вайны свеж яй, босьтны роч сёян, паськöм да мыйсюрö. Мунöныс кöрнас ылö Воркуталаз дорö. Сэн и телепон связь кутö – позьö керкаö звэнитыштны. Ыджыд чомъясас выйим би сетан генератор – сiйö эстöныс рытнас, мед телевизор кузя выльторъяс тöдмооны да кино видзöдыштны.
Чомйын – лöнь. Куш тэ и вöр-ва. Лолыд радлö и шойччö. Синтö вердан мича изъясöн, ваясöн, турунъясöн. Ордад куш радейтана йöз и мича вöр-ва. Висьталöныс вед, мый дорын быдман, сыа и лоас сьöлöмыдлы, ыджыд олöмад, медча коланаöн да мича öн.
