Важсянь нин изьватас йэз зэй бура тэдісныс приметаяс и ныы кузя олісныс
Январь медводдза лунэ пасйылэмаӧсь нӧшта и Игнатей-Богоносец вежалысь лун. Важӧн этая лунэ вына ветлалэмась керка да вэлэсьт гӧгэр. Этая жэ лунэ пасйӧныс и Илля Муромечлысь паметь лун. Важэн роч крестьянас этая лунсӧ вошсемась муэдз мыкырчансянь. Январь 1-ӧд лунӧэ нин вошсемась выль олэм. Висемъяссӧ, лёксӧ, кодъяс вэлiныс, колі кольны бӧрэ.
Тэдмоо:
– Выль во гаж водзын быдӧн димлялэ керканыссӧ, сэстӧмтӧныс югётӧдзыс визьлысян да ӧшин, ставыс мед мича лои;
– Зэм Выль во водзын оз позь песлооны быдчема пэлӧс лес, шыблооны ёг, мед матыссаясыдлӧн и тiян ставыс лоэ бур;
– Висьталэныс, мый Выль во водзын колӧ шыблооны став жугалӧм-потӧм тасьтi-пань, медум став лёкыс кольӧ важ воас да оз вудж выляс;
– Ин вунӧд, мый декабрь 31-ӧд лунӧ да январь 1, 6, 7 лунъясӧ оз позь уждыны некодлысь сьӧм, и сетны керкаысь тшӧтш нинӧм оз позь;
– Выль вося вой водзын серпасалӧмаэсь мелӧн эбес вылын перна – сыа видзӧ керкасэ да керкаын олысьясӧс быдчема лёкысь;
– Январь медводя лунӧ ин кар сьӧд рэбета. Сiдзжэ этая лунӧ оз вурсьыныс-кыйныс;
– Январь медводя лунӧ жэ колэ, медум керкаад медводдзын пыріс мужик рэд – воыс шуда лоо;
– Локтас ке гӧсьт – быдэнӧс пуксьӧд пызан сае;
– Выль вося войсӧ коль бура, гажаа, пасьтоо выль мича паськэм, чӧскыда сёй, сьэлӧмсяньыд сет кутшӧмкэ водясемясъяс матыссаясыдлы. Унджык сетан водясьӧм – сьӧм бэксянь бурджык лоас локтан воыс;
– Выль во водзын ин лэгоо никод вылэ, кор прэщенье ставыслысь, кодӧс дойдiн таво – лэгооны лёк, а нӧшта на лёк пинясьны Выль воӧ пызан сайын;
– Выль вося пызантӧ ин коль кушӧн только гажэдчӧм бэрын, ин пырпыр димлё;
– Мый Выль вося войэ лоо, сыэ и во чэж пыр виччысьӧ;
– Выль во гаж дырйи кэ кэрманыд да пызаныд куш – во чӧж нищеен лоан;
– Выль вося войэ кэ сьӧлэмсяньыд мыйке корны Енмыслысь – ставыс лоас, но только колэ корны сэк кор часылэн 12-ӧдысь татшкытэдз;
– Выль вося гажъяс бэрын коз пусӧ ин шыбит, а петкӧд да мичаа сюй лым толаэ;
– Пуяс вылын кэ кыз тола – урожая во.
