Сэтшэм нимен март 23 лунэ воссис «Изьватас керкаын» петкедлэм
Эстэн позьӧ тӧдмасьны йӧз помлась, код уна, зэй сьэкта рӧбитіс Ыджыд тыш дырйя и ас труднас вайӧдіс Ыджыд Вермем (Победа) луннсӧ. Кодке кыйис чери кӧдзыд ваын кеяліс, мыля сапегсэ жалейтіс, а кодлыке и кӧмоны нинэм вӧлі важ кӧмкотыс рузя, а выльыс абу. Код ягын кераліс да вӧлӧн лэдчедліс пес кӧдзыд тӧӧнас. Гожэмнас совхознэй скӧтыслы номья дырья каріс турун, а тээнас вэлэн нооліс сыйэ. Позе тӧдмасьны код рэбитис вурсян мастерскеен. Став ныы йӧзыс помлась висьталэныс фотографияясныс, документьясныс, наградаясныс. Сідз же быд лес торйыс, мый куйлэ ветринаясас да подиум вылас асьныс висьталэныс сы сьӧкыд олӧм помла.
Изьватас керкаса рӧбитысьяс висьтоолісныс йӧзыслы быд морт помлась. Кудь важья труженикъяс казьтылэмась сыэ олӧмсэ, тӧдэмась, мый ныа рӧбитэныс мед воде олэмыс вӧлбур. Вед быдэн сэк тӧдіс, мый ставыс тыш дорйем и Победа лун матыссем вылӧ.
Помас видедім неыджыд передача изьватас кылэн коді шусьӧ «ӧтік класстын велэдчысьяс». Кэн куим ныыёрт Анна Фёдоровна Хозяинова, Таисья Владимировна Конева да Анастасия Захаровна Ануфриева пукалӧныс пызан сайын видедэныс важья снимокъяс и казьтылэныс сыэ сьӧкыд пӧрасэ. Зэй ыджыд спасибӧ колэ висьтооны «Изьватас керка» рӧбитысьяслы, а медча Татьяна Васильевна Ануфриевалы, код ӧктіс сэтшэм бур материалсэ и петкедліс йӧзлы.
