Ун хоятӆам номпса питӆат

Ун ляль нох питам хатаӆ щи ванамӆ, ястаты хун веритӆа, муй арат шук омсты мува ӆув тус. Мосс ванна ёшема ликмас «Книга памяти Шурышкарского района».

Мохты ма каншты питсам уйтам, муй па вантыӆыйм хоятӆам куртатна, муй па район, муй округ ӆоватна.

Ма, ванты, Ёханов куртна сэма питсам, уна пелка иты щи питсам. Куртна уӆам ун икиет, имиет япсыя уятсаӆӆам. Щи порайна ун хоятӆув «ляль» эӆты потарты верт ат тайсат. Юхат, ашкуӆайна веӆщи оша паятсэм «ляль» верат.

Пулңават вошна утаӆтымем юпина, Ямкурта ай ашкуӆайна рупитты китсаям. Щита ищи усат каматса ляль харна уӆам икет. Урока ӆувиӆаӆ потартыя ляль эӆты потарты вохиӆысӆув. Наврэмӆув шеек яма ӆув потарӆаӆ хуӆантсат. Ин щи ашкуӆа уӆам харна памятник верман уӆ. Ма ин хун тохи ёхтыӆытэмна, ӆувиӆаӆ уйтман щи ям номасна нумаӆмиӆӆам, хуван вантыӆыйм хоятӆам.

Там нэпекем хаштэмна, щимащ нумасна ёхатсайм. Ма энмам куртэмна, Ёхановна, ляля яңхам хоятӆам ищи нэмӆаӆ кев хоща ханшӆайт-ки муй хорпи ям ӆуӆан. Яӆпа энмам хоятатӆаӆна уйтты питӆайт, щита рутӆаӆ – сырӆаӆ ин хоӆна уӆӆат Ехановна, Еханкуртна, Ващаховна муй па район, округ хуватна.

Ма сэмна вантам ляля янхам икиӆам нынан торӆыя ханщӆаӆӆам.

Севли Иван Алексеевич – (Пещат ху ики) 1897 г.р.
Ляля вохам Няняң курт эӆты 14.09.1942 г. Ин икев ляль порайна шеек ӆаварт лялясам тахая питыӆымаӆ. Сишна 24 ноября 1944 года орденна Красной Звезды мийӆыса. Такан мушмаӆтыйм юпина ляль эӆты ехи февральна 1945 г. ёхтыӆыйс. Щи юпина «Красный путь» нэмпи колхозна хуӆ веӆман рупитас. Юхат рыпсавотна хуӆ потаӆтыты тахана рупитас, хотат верман па ус.
Муң ун семьяев имоӆты порайна хоӆна, ӆув хотаӆна ии яха усув. Пещат ху ики хоят пеӆа шеек вещкат ики ус. Муң, ай нявремат, шеек щалятсаюв ин икевна. Куртаң хоятӆаӆ моӆты кем ӆув хощайӆ кашң верна инщасты ёхтыӆысат. Щимащ ошаң-нопсаң хоят ус. Ӆув антома ювмаӆ 1962 г. Ёхановна иӆ ӆэщатман уӆ.

Севли Семён Павлович – (Куща ху ики) 1910 г.р.
Ляля туса Ващахов курт эӆты 25 сентября 1941 г. Шурышкарской (РВК). Курӆ такан мушмаӆтам юпина, 1942 г. курк тыӆащна ёхи ёхтаптас па Ёханован уӆты питас. Щита кущая понтса хуӆ потаӆтаты тахая Ёханов рыпсавотна. Хоят кутна шеек ям ики ус. Иса щирапаӆа потартыйс, муй па партӆытыя ус. Кущая ус хоты. Рущ ясаңна еша уйтас. Ма ай пораемна ӆув эвеӆ – Натаӆеӆ пиӆна яха ёнтӆысман. Антома ювмаӆ 1981 г. Ин ики Ёханов куртна иӆ ӆэщатман уӆ.

Романов Егор Иванович – (Оми Юхур) 1920 г.р.
Ӆув Ващаховна сэма питмаӆ. Ляля туса Ёханов курт эӆты 14 июня 1942 г. Рядовой Романов Е.И. курӆ эӆты такан мушмаӆтам юпина 1943 г., госпитальна мушаӆаӆ ямӆтам кемна ёхи эсӆам 12 августа. Олаңна Ващаховна, щаӆта Няняң куртна хуӆ веӆман уӆмаӆ ляль вантам хоят. Мевӆаӆа понам медаль «За Победу над Германией». Юхатшак иса усат Ёханов куртан семьяйӆ пиӆна хуӆ веӆман. Ма ӆувел ям щирна нумӆэм инты унты. Хоят пеӆа шеек ям ики уӆӆыйс. Ащемна шеек ванна тайса. Моӆты вер эӆты иса ащем ищмисӆы. Ай нявремат пеӆа шеек щаляң ики ус. Ляль харна уӆам икев антома ювмаӆ 1987 г. Ёхановна иӆ ӆэщатман
уӆ.

Хунзи Никита Семенович – (Товкуртаң Хунзи ики) 1912 г.р.
Ляля ин икев тувам 14 сентября 1942 г. энмам Товкуртаӆ эӆты. Никита акаев ики шеек хув ляльна ус, ар шуук па паӆщам вантас. Мевӆаӆна арсыр медаль па орден понман тайс: медаль «За боевые заслуги», «За победу над Германией», «За победу над Японией». Ёхи ехтас 1946г. Щи юпина хуӆ веӆман уӆӆыяс. Ма нумтэмна ӆув карщ па ӆоватаншак хоят ус. Атпаӆ щит иса тусаң ярман тайсаӆӆы, умащ ваттыя. Ма ӆувеӆ порайна вантыӆысэм, воӆаңа хоӆна ат-па уйтсэм. Ӆув хиӆыӆаӆ ураңна вуӆэң ухаӆна ёхтыӆыйс, интернат эӆты каникулыя ӆувиӆаӆ тутыя. Ляль юпина хуӆ па воой веӆман усңан иймеӆ пиӆна. Антома ис Никита Семёнович 1964 г. па Товы куртаӆан иӆ ӆэщатам.
Ин там нэпека ханшам хоятӆам ёхи ӆув мувеӆа ехтыӆымеӆ хоӆна. Ямщи. Щаӆта па тухаӆ муң куртаң хоятӆув ёхи ат щи ёхтыӆымеӆ. Ин там хатӆ унты таңха мув напра щи манмеӆ.

Севли Е.Е. – ляля тувам 1942 г.- ин там хатӆ унты ясаң антом.
Севли Егор Иванович 1917 г.р. – тувам луңан 1942 г. – ин там хатӆ унты ясаң антом.
Сюлись Григорий Иванович – ляля тувам 1941 г. – ин там хатӆ унты ясаң антом.
Ребась Степан Егорович 1917 г.р. – тувам луңан 1941 г. – ин там хатӆ унты ясаң антом.
Романов Петр Степанович 1900 г.р. – ляля тувам 1941 г.- антома ювмаӆ 1941 г. Ленинградской область пеӆа.
Хороля Михаил Романович 1921 г.р. – луңан 1942 г. ляля туӆа, имохты антома верӆа 22 сентября 1942 г.
Карасимов Михаил Иванович 1912 г.р. – тувам 1942 г. Такан мушмаӆтам юпина антома ювмаӆ Ленинград пеӆа. Иӆ ӆэщатам Пискарёвской ар антома ювам хоятат пиӆна.

Сишна щи морта шукащман антома верам Ёхановаң хоятӆув ураңна, район кущайӆува ястаты утчиӆам: – щи хоятат энмам куртэӆна памятникна-ки верӆайт, нэмӆаӆ тохи-ки постаӆайт, муң еӆӆы уӆты нявремӆувна нумты щи питӆайт. Щимащ атом сорамна манам хоятӆув хоты сахат ёрэматы! Щи хоятӆув иса муң моӆты щирна вана рахты рут хоятӆув.

Рутӆан-сырӆан ал ёрэмаӆан! Тухаӆ ишна нумаӆмияӆн! Ун ляль ёхтам порайна, кашң хоят самаӆ манас. Хоятӆув кашң куртна яӆап щирна уӆты питсат. Муң ащиӆув ищи 1941-1943 г.г. воша вохиӆысайт. Хой сэмаӆ, самаӆ, муй па моӆты па муш тайс: щитат ёхи китсайт. Ин хоятат кашң ай куртӆаӆна ляль ураңна яма щи рупитты питсат. Икет атаӆ-хатаӆ хуӆ веӆман усат. Имет па щи хуӆат луң порайна ӆэщатсат. Етшаты кумеӆ антом, эӆты па яӆпа хулэң хопна ёхатӆайт. Оӆӆытыя кум хоӆна ат шитыӆысат. Имет хуӆ ӆэщатман ёшӆаӆ кушкарӆы хащиӆысат. Щи морт щи таңха рупитсат. Щиты таӆат-луңат хащиӆысат. Хойтат вуӆы шавиман усат. Таӆ порайна Пулңавта хуӆэң-нёхең ухӆат онасна таӆӆысат. Ёхӆы ищи тэӆаң ухаӆна мосты пормас тутӆысат: ӆат, соӆ, шай… Аӆ таңха шук уӆӆыйс, хойна щи верт уйтӆайт. Па щи эӆты кашаң хотна няврэм тэӆыя: ӆапаттыя, ӆуматтыя, ёнтастыя. Щи порайна ӆапкайна ӆуматты сох антом. Камн сэмъинк аӆ таңха иӆ посмийс щи ун ляль сыс. Айвош ёханна уӆам мохет, щита рупитам хоятат ляль порайна, нэмӆаӆ там нэпека понӆаӆам.

Ляль порайна Ёханкуртаң па Ёхановаң рупитам мохэт:
Аляба Гаврил Макарович (Ешак ху ики – Артеп ащи) 1873 г.р.
Аляба Архип Гаврилович (Артеп ики) 1893 г.р.
Аляба Андрей Архипович 1928 г.р.
Аляба Прасковья Афанасьевна (Щаня нэ) 1899 г.р.
Карасимов Максим Иванович 1914 г.р.
Карасимов Зосим Иванович 1917 г.р.
Карасимова Прасковья Гавриловна 1917 г.р.
Озелов Иван Филиппович (Апщи Ванька) 1912 г.р.
Озелов Осип Иванович (Евартам ики) 1898 г.р.
Озелова Марфа Егоровна (Тохот курт) 1913 г.р.
Озелов Григорий Петрович (Щар Киршка) -1915 г.р.
Озелова Ирина Никитовна -1915 г.р.
Озелов Алексей Иванович (Хон Ульку ики) 1888 г.р.
Озелов Афанасий Алексеевич 1923 г.р.
Озелов Николай Васильевич (Хон хиӆы) 1921 г.р.
Озелова Екатерина Архиповна (Катяры) 1923 г.р.
Озелов Михаил Васильевич (Хон Мишка ики) 1911 г.р.
Озелова Павла Антиповна (Павла ими) 1904 г.р.
Озелова Мария Антиповна (Хосах ими) 1908 г.р.
Озелова Марья Абрамовна 1895 г.р.
Озелов Иван Андреевич 1925 г.р. (Унтары Ванька – Ай Ванька)
Озелова Екатерина Архиповна (Ай эви) 1926 г.р.
Озелова Анна Павловна (Ай курт нэ) 1908 г.р.
Озелова Евдокия Николаевна (Ай Ванька аңки – Айвош ими) 1902 г.р.
– (медаль «За трудовую доблесть во время ВОВ»)
Нензелов Иван Ефремович (Ипри Ванька) 1922 г.р
Нензелова Евдокия Павловна (Тутья ими) 1907 г.р.
Нензелов Николай Иванович 1905 г.р.
Нензелова Павла Павловна (Хорамие) 1906 г.р.
Нензелова Марья Семёновна (Ёхан- тайнэ) 1906 г.р.
Нензелов Василий Дмитриевич (Тапсы Васька) 1902 г.р.
Нензелов Гаврил Дмитриевич (Каврӆа ики) 1907 г.р.
Ребась Пётр Егорович (Ун Петра) 1906 г.р.
Ребась Полинария Алексеевна (Ай Ӆоровкурт нэ) 1909 г.р.
Ребась Максим Алексеевич 1902 г.р.
Ребась Вера Антиповна 1900 г.р.
Ребась Александр Иванович (Ай апщи ики) 1910 г.р.
Ребась Татьяна Егоровна (Ёхантай-нэ) 1913 г.р.
Ребась Пётр Николаевич (Ай Петра) 1919 г.р.
Ребась Мария Никитична (Пухар ими) 1889 г.р.
Ребась Леонтий Николаевич (Сэмӆы ики) 1905 г.р. – медаль «За трудовую доблесть во время ВОВ»)
Ребась Мария Тихоновна (Сэмӆы ики ими) 1907 г.р.
Романов Мартын Иванович (Мартин ики) 1910 г.р.
Романов Василий Николаевич 1920 г.р.
Романова Анна Никитовна 1917 г.р.
Романов Кирилл Васильевич (Нялы Кириӆа ики) 1911 г.р.
Севли Иван Алексеевич (Мощ ху сотап) 1905 г.р.
Севли Василий Семёнович (Хаӆэв Васька) 1891 г.р.
Севли Ульяна Яковлевна 1900 г.р.
Севли Яков Алексеевич (Яку ики) 1892 г.р.
Севли Евдокия Алексеевна (Охаль ими) 1890 г.р.
Севли Николай Данилович (Няняң-куртаң Микуӆ ики) 1918 г.р.
Севли Варвара Алексеевна 1918 г.р.
Севли Татьяна Васильевна (Расхот ими) 1902 г.р.
Севли Евдокия Егоровна (Овтуть-курка) 1912 г.р.
Севли Егор Павлович (Нюркеп ики) 1912 г.р.
Севли Иван Дмитриевич (Карң ху ики) 1908 г.р.
Сюлись Егор Антипович (Антипа Юхур ики) 1908 г.р.
Сюлись Михаил Алексеевич (Ехие ики) 1906 г.р.
Тыликов Илья Викторович (Ур уки) 1900 г.р.
Тыликова Александра Алексеевна (Ур ими) 1901 г.р.
Тынзянов Егор Васильевич (Аньтя ики) 1909 г.р.
Тынзянова Мария Ефремовна 1912 г.р.
Хунзи Матрёна Ивановна 1897 г.р.

Тынаң Победа

Ляль нох питам хува хащас,
Уна пелка иты питсам.
Катра уӆам ун хоятӆам:
Ӆув эӆтаеӆ ханшты питӆам.
Нийӆъяң пеӆа вет таӆ хащас,
Амтаң ясаң хун ты ёхтас.
Мурэв номасӆаӆ яма йисат,
Хоӆӆап кутна апаӆтысат.
Ма ай уӆмем порайна,
Ляль хар вантам акииӆам,
Япсыя усат, рупитысат,
Няврэмийӆаӆ энмаӆтысат.
Сойм папелк - Куща ху ики,
Няняң-куртаң - Пещат ху ики.
Хунзи ики - Товкурт эӆты,
Оми Юхур - Отлёр эӆты.
Нийӆъяң пеӆа вет таӆ хащмаӆ,
Ун Победа ёхтам пора.
Тынаң тынаӆ сохаптамаӆ,
Муң мурыев мув ӆоватна.
Рут хоятат, ий юр верӆув,
Памятник курта омсты нётӆув!
Щита ӆуӆан еша ӆойӆув,
Ин икиӆув нумаӆмаӆӆув.
Кева нэмӆаӆ-ки ханшӆайт,
Мохты ӆув щи уйятӆайт

Ляль порайна рупитымеӆ

Ӆаптъяң вет таӆ там пуш тармас,
Хоты ун ляль етшам пора.
Щи Победа ты хун ёхтас,
Нумты хоят антом хоӆна.
Атам ясаң хуӆмеӆ кемна,
Ёхӆув воша вохаӆсайт.
Куратова ун каякна
Ащиӆув ӆовӆман щи тусайт
Хота хоӆӆап, хота ув,
Шука питсат иса ӆув.
Кут эӆты щи каншапсайт,
Веӆщи энмам ёх няврэмат.
Рущ ясаңна ӆув хун хошсат,
Пошкан ляльсты ат катӆысат.
Воша таңха ясаң ёхтас,
Ёхӆув ёхӆы эсаӆсайт.
Ун ляль ёхтам юпина,
Кашң хоят хота кепа.
Яӆап щирна уӆты питас,
Атаӆ-хатаӆ рупитас.
Кашаң мувна: аеӆ-унэӆ,
Таӆаӆ-ӆуңаӆ оӆамӆыя,
Шак йиңк кутна - иӆ питтыя,
Щиты щи ӆув рупитысат.
Ма нумасӆам: щи хоятӆам
Мосаӆ нэмӆал нох хаштыя,
Яӆпа энмам рут хоятӆаӆ,
Амтатӆыӆат щи порайна.