8 июль лунö Россия пасьтаын пасйöныс зэй бур, сьöлöмкойд гажöдчан
Этая гажöдчан луныс пырэ ас вужнас ылö Важья Русь пытшкö. Важ вэлэмтор радейтэм помлась вежаяслэн Петра да Февронья Муромскэйяслöн гижэма важья роч висьтын XVI немас. Том муромскöй князьöс Петраэс босьтöма тöдтэм висем. Сылэн яйыс ставнас вэлі кисьтэма, бырэдны сыа никод из вермы. Этпыр войнас сылы вэтö усьöма: мый, Ласково сиктын (Рязанскöй губернияын) олö крестьянлöн-мазі видзысьлэн Феврония ныы. Сыа и вермас сылы ортсооны бурдэдчыны. Петра аддзис ныысö. Феврония сэгласитчис орсооны Петралы, но босьтіс сылысь кыы, мый гэтрасяс сы вылын. Князь сöгласитчис, но ассьыс кыысэ из кут. И сэк висьöмыс бöр воис. Петра шыасис нöшта ортсалöм вылэ нылыс дорэ. Нужнэй ныы Феврония вермема бурдöдны князьсö. Ныа венчайтчисныс и сыа лои княгиняöн. Но дворянаысь петöм йöзыс из ошкыныс бэрйöмсэ князлысь гöтрасьны видь-му уджалысь вылын и вынöн тшэктісныс вöтлыны Февронияэс. Сэк Петра думыштіс öткажытчыны властьсьыс, медум абу янсооны радейтана ба баыскед. Петра муні карысь ас бабаыскэд тшöтш, кылэдчисныс Муромысь пыжэн Ока ю кузя. Владимирскöй губерниия шöрыс вöйи гудыр кадö. Тыш власть помла вошйис кисьыны вир. Но бояръяс сайк муніныс сэтшэмсьыс и кучисныс корны Петра князьсö бöр.
Князь княгинякед воисныс Муроме только сэк, кор ныэ йöзыс бöр корисныс. Сыа воис ас престолас, а Феврония кымынке пöра колем бöрын лои радейтана став йöзыслы. Гозъя став сьэкыдсэ бертісныс орчча, олісныс зэй шуда да бура. Пöрысьмем бöраныс янсалытöм Петра да Феврония шуисныс шырсьыны мед лоны вежаöн. Ныа муніныс янас монастырö. Шырсьöм бöрас Петра лои Давидöн, а Феврония – Ефросиньяöн. Час и лун нуöдэм молитва дорын, гозья корис Енмыслысь, мед куны öтик лунэ. Сідь и лои. Петра да Феврония куліныс 8 июль тэлысе (важья моз – 25 июне) 1228 воын. Но нылысь кöсйöмсэ, дебны этла, из мöдныс карны. Ныа вэліныс янас монастырын, но мэд лунас кудькэ лоомась этлаын. Ныэ дебисныс соборнöй вичкоын Рожество Пресвятöй Богородицалы Муромын.
Кулöм бэраныс Петраэс да Февронияэс вэліныс содтöмась вежа чужöмен да вошщисныс лыддьыны дорйысьöн семейнöй шудас, радейтöмас да веськыдлунас.
Семья лунсö пасйöныс Россияын неважэн на, 2008 восянь. Выль семьяса гажöдчанлуныслöн выйым нин аслас нырнуöдан мöвпа кыыяс: «радейтны да видьны, пасйыс – катшасин да медаль.
Вежсьö пöраыс, олöмсерыс, вежсьöныс йöзыс да нылэн олöмыс. Но семьяыс пыр коле медтöдчана пас быд кадö. Шудаöн позе шуны сэтшöм мортсö, кодлöн выйым семья да керка, кэн сыйö витченыс да радейтöныс. Семья – сыа мед тöдчана да ыджыд, мыйöн озыр морт, пыкöд, бэрладор, ортсалöм, гэгервоöм. Только семья лэсьöдэм бэрын, морт вошйе забыль радейтны, торйöдны ассьыс сьöлöмсэ этмоза семья костас да водесöн босьтэ ставсö, мый тыртö быд лунъя мог! Этая мед ыджыд шудыс, кор мортыс верме карны ачыс аслы. Нинöм абу топыджык му вылас союзысь, мый шуда, öтсэгласа семья.